Blog

2020a urte luzea izan da guretzako, pozik gaude lanean jarraitu dugulako, gustatzen zaigun zeregin honetan, baina faltan bota ditugu hainbeste gozatzen ditugun erakustaldiak, eta azkenean berriro martxan, pozez txoratzen. Aiegitik deitu digute eta gustora joango gara, ahalik eta lan txukunena egitera.

Erakustaldia arratsaldeko 17:30etan hasiko da. Bertan Mikel Lasarte ariko da lanean, ordu terdiz, zazpiak arte. Bere motozerretaz lagunduta, plazara eramango dituen enborretatik barruan gordeta dagoena ateratzen saiatuko da.

Anima zaitezte eta hurbildu Aiegira, ikusgarria izango da!!!

Urte hasierarekin batera martxan gaude eta kontratazioa irekita dago. Animatu eta deitu gurera herrietako jaiak, feriak edo beste edozein ospakizun alaitzeko.

Enbor bat oinarri hartuta, ongi egindako eskultura bat edo batzuk sortzen dira motozerra ezberdinez lagunduta.

Orokorrean ordubeteko iraupena dute erakustaldiak, baina antolatzaileen nahien arabera laburtu edo luzatu daiteke.

Bertan sortutako lanak antolakuntzarentzat geratzen dira eta gehienetan sorteatu egiten dira bertara hurbiltzen den ikuslegoaren artean.

Animatu eta deitu 686 477897 telefonora. Euskaldunak gara!!!

Berriki parke polit bat montatu dugu Ansoaingo ikastetxean.

Hiru elemento nagusi ditu, eguzkiaren eta ilargiaren irudiak osatzen duten erloju berezia, oreka jolas luze bat eta laberintoaren papera egiten duen oihan berezia.

Gure estiloari jarraituz, akazia eta gaztaina erabili ditugu. Orain disfrutatu dezatela ikastetxeko haurrek, merezi dute eta.

Izan ditudan enkargu guztietan hau izan da zalantzarik gabe bereziena eta hunkigarriena: artzaina bere txakurra eta artaldearekin, emakume baserritarren omenez. Abalzisketako ostatura joan da lana. Eta plazer bat izan da lan hau egitea, nahiz eta nerbio batzuk pasa ditudan, batez ere artzainaren aurpegia egitean. Azkenean nahiko pozik egindako lanarekin, beti ere hobetzeko perspektiba galdu gabe.

Artzaina eta txakurra zedro egurrean egin ditut eta ardiak txipu egurrean. Zedroa Iruñetik dator, metro bateko gerri buelta ikusgarria zuen eta urtetan eta urtetan hiri zaharreko parke bat edertu du. Ardiei hankak, belarriak eta adarrak eranstsi egin dizkiet. Adarrak benetazko ardi latxenak dira. Bizi osoa ardien adarrak gordetzen pasatu dut eta azkenean bilatu diet erabilera polita.

Hauek dira lanaren argazkiak.

Urtea indartsu hasi dugu Irurtzunen bertan, etxean, eta haur parke berri bat egin dugu Atakondoa Ikastetxe publikoaren barruko patioan. Jolas librea eta sortzailea bultzatu nahi ditu parke berri honek, naturak eskaintzen dizkigun elementuetan oinarriturik, egurrean kasu honetan. Gaia Iparraldeko Sarako ohianetan aukeratu genuen iazko azaroan.

Parkeak hiru elementu nagusi ditu. Lehenengoari asanblada deitzen diogu. 19 enborrez osatzen da eta guztiak lurrean sartuta daude. Oreka jolas bat da eta baita elkarrekin egoteko une berezi bat ere.

Parkeko elementu nagusiari “eskalablea” deitzen diogu. Hainbat enbor elkartuta daude bertan altuera ezberdinetan eta gora eta bera ibiltzeko aukera eskaintzen du, haurrek bere sorkuntza ahalbidetu dezaten, ongi pasatzen duten bitartean, askatasunean jolastuz.

Eta laberinto bat da parkeko hirugarren elementua. 50 bat enborrek osatzen dute eta guztiak lurrean sartuta daude, forma bereziak osatuz: izarra, hartza handia, hartza txikia…

Laister inauguratuko dugu parkea eta egun horretan “trikutxo” bat erantsiko diogu,  grazia pixkabat eransteko eremu berezi honi.

Eta bukatzeko mila esker Irurtzungo Udalari eta Eskolari proiektu hau bultzatzeagatik eta nigan jarri duzuen konfiantzagatik.

Bizi dugun egoera hau berezia eta zaila bada ere, lanean jarraitzen dugu, gogoz eta indartsu, poz pozik gure zaletasuna disfrutatzen. Indartsu hasi dugu urtea enkargu berriekin, eta hauen argazkiak zintzilikatzen digugu gaur.

Gaurkoan Xaloa Telebistak egindako bi erreportai konpartitu nahi ditut. Indakoborda landa etxean egindako arte lan batzuen inguruko erreportaiak dira hain zuzen ere, “artearen ibilbidea” saioaren barruan. Erreportaiak oso ongi geratu dira, txukun txukun, eta bertan eskultura sortzearen prozesua ikus daiteke. Mila esker Xaloa Telebista!!!

https://xaloatelebista.eus/

Duela gutxi Erratzuko Indakoborda landa etxean egon nintzen haizeteak botatako zuhaitza lantzen. Enborra ederra zen, baina pixkabat zartaturik zegoen, hala ere akordeoi bat egiteko aukera izan nuen, adarraren okerra aprobetxatuz. Bezeroak lan rustikoa nahi zuenez, motozerra hutsez sortu nuen akordeoia. Ordu pare batean atera nituen akordeoia eta hontza.

Lekua ederra da benetan, baso eta mendiz inguratuta dago, eta zoragarria da. Gomendatzen dizuet.

https://www.indakoborda.com/

Aitortu beharra daukat oso pozik nagoela Burgiko bostgarren lehiaketan egindako lanarekin eta lortutako emaitzarekin, Estatu osoko eskulturgile onenekin lehiatuta.

Aurtengoan etxean egin dugu lana, pena handiz izan ere asko gustatzen baizaigu bertan aritzea, denak elkarrekin eta batera. Hiru ordu izan genituen lanerako eta antolakuntzak proposatuta pirineoari lotutako animali bat sortu beharra izan genuen. Norberak grabatu egin zuen hiru orduko lanaldia bideo batean eta argazkiak ere bidali genituen antolakuntzara, lanak epaitu ahal izateko.

Nik arranoa aukeratu nuen, pirineoko animali ederrenetakoa iruditzen baizait, eta askatasuna irudikatzen du, aldi berean, hainbeste faltan botatzen dugun askatasuna hain zuzen ere, COVIDaren aitzakian kendu diguten askatasuna.

Lan handiko eskultura da, detaile asko baitu, baita lana ere. Buztana erantsi egin nion ensanble batez bidez, baina motozerra soilik erabiliz, beste tresnarik gabe.

Bideoa eta argazkiak ikusi ditzakezue jarraian.

https://almadiasdenavarra.com/2020/10/24/gran-exito-de-la-edicion-especial-de-la-fiesta-de-la-madera/

https://almadiasdenavarra.com/fiesta-de-la-madera/

Martxan da 2020ko Burgiko motozerra txapelketa. Aurtengo egoera berezia dela medio, on-line eginen da. Hau da, partehartzaileek euren lanak etxean eginen dituzte eta bideo eta argazkien bidez baloratuko ditu epai-mahiak. Lan hauek Burgin geratuko dira exposizio bat osatuz. Pirineoko animaliak dira antolakuntzak artistei jarri dien lan ardatza. Eskulturgile hauek motozerra bakarrik erabiliko dute, hiru ordu izanen dituzte lanerako eta pirineoko animalirenbat sortu beharko dute. Ez dago tamaina mugarik.

Hau da partehartzaileen zerrenda:

Juan Asín, Peralta, Nafarroa.

Lúpe Arévalo, Zafra, Extremadura.

Yosi Fervenza, Moaña, Galizia.

Omar López, Siles, Andaluzia.

Mikel Lasarte, Azpirotz, Nafarroa.

Txapelketa hau Nafarroako Almadieroen Elkarteak antolatzen du.

www.almadiasdenavarra.com